Գլխավոր էջ » 2018 » September » 26 » Իրականում ինչո՞ւ ՀՀԿ-ն չմասնակցեց ավագանու ընտրություններին. խմբագրական. Armlur.am
7:10 PM
Իրականում ինչո՞ւ ՀՀԿ-ն չմասնակցեց ավագանու ընտրություններին. խմբագրական. Armlur.am

Armlur.am-ը գրում է.   

Երեւանի ավագանու ընտրությունների արդյունքների վերաբերյալ երեկ հայտարարություն է տարածել ՀՀԿ-ն:

Նախկին իշխող կուսակցությունը շնորհավորել է Երեւանի նորընտիր քաղաքապետին եւ ավագանու անդամներին հաղթանակի կապակցությամբ: Միաժամանակ ՀՀԿ-ն այդ ընտրություններին իրենց չմասնակցելը մեկնաբանել է այսպես. «…հասարակությունը ծայրահեղ բեեւռացման վտանգից զերծ պահելու համար»: Ավելին` ըստ նրանց` ««Իմ քայլը» դաշինքը եւ անձամբ վարչապետ Փաշինյանը քարոզարշավը կառուցեցին հասարակությունը «սեւերի եւ սպիտակների» բաժանելու մոտեցմամբ: …Ակնհայտ է, որ մայրաքաղաքի բնակիչների գերակշռող մեծամասնությունը չսատարեց այդ մոտեցումը»:

Նման դեպքերում այլ բան չի մնում, քան իրենց առաջնորդի նման ասել. «Իյա, իրո՞ք»:

Հազիվ թե այսօր գտնվի գեթ մեկ միամիտ մարդ, որ հավատա ընտրություններին չմասնակցելու ՀՀԿ պատճառաբանությանը: Իրականում համաժողովրդական մերժմամբ մի քանի ամիս առաջ իշխանությունից հեռացված ՀՀԿ-ում քաջ գիտակցում են, որ ընտրություններին մասնակցելիս ձայն չէին ստանա ու կգրավեին վերջին «պատվավոր» հորիզոնականը: Էլ չենք ասում, որ մինչ այդ ՀՀԿ-ն դեռ պետք է կարողանար ավագանու թեկնածուների ցուցակ ներկայացնել: Սա էլ մի ուրիշ գլխացավանք կդառնար նրանց համար: Այնպես որ, իրականում ՀՀԿ-ն ընտրություններին չմասնակցեց եւս մեկ անգամ մերժվելու հեռանկարից վախեցած: Բայց դե, նրանց ազնվությունը չբավարարեց խոստովանելու դա:

Փոխարենը ՀՀԿ-ն ակտիվորեն փորձում է շրջանառության մեջ դնել կեղծ թեզ. թե իբր վարչապետ Նիկոլ Փաշինյանը հասարակությանը «սեւերի եւ սպիտակների» բաժանեց, եւ մայրաքաղաքի բնակիչների գերակշռող մեծամասնությունը չսատարեց այդ մոտեցումը:

Հասկանալի է` նրանք նկատի ունեն փաստը, որ ընտրություններին մասնակցել է քվեարկության իրավունք ունեցողների 43 տոկոսը: Բայց նույն այդ տրամաբանությամբ պետք է ասենք՝ ՀՀԿ-ին նախորդ տարվա ավագանու ընտրություններում իրականում շատ ավելի մեծ թվով մարդ է մերժել. 2017թ. ավագանու ընտրություններին մասնակցել էր քվեարկության իրավունք ունեցողների 40 տոկոսը: Իսկ իրականում բոլորի համար էլ պարզ է, որ ընտրացուցակում ընդգրկվածների մի ստվար մասը պարզապես բացակայում է ՀՀ-ից. մեծ մասն արտագաղթել է հենց ՀՀԿ իշխանության տարիներին: Ընդ որում, Երեւանից բացակայողների ճշգրիտ թիվը եթե անգամ հայտնի է, չի հրապարակվում ազգային անվտանգության նկատառումներով:

Այնպես որ, եթե ընտրությունների մասնակիցների թիվը դիտարկենք` ելնելով մայրաքաղաքում ռեալ բնակվողների քանակից, ապա ի հեճուկս ՀՀԿ-ի` մասնակցության բավական մեծ տոկոս է գրանցվել: 

 

Նյութի աղբյուր՝   Armlur.am  

Կատեգորիա: Լուրեր | Դիտումներ: 271 | Ավելացրեց: arpinews | - Վարկանիշ -: 0.0/0
x
x