Գլխավոր էջ » 2018 » September » 25 » Ազատվում ենք որովայնում գազերի կուտակումից 168.am
11:26 AM
Ազատվում ենք որովայնում գազերի կուտակումից 168.am

168.am-ը գրում է.   

Մետեորիզմն ու գազերի կուտակումը բավական տարածված խնդիրներ են, որոնք լուրջ անհարմարություն են պատճառում: Budetezdorovy.ru-ի հաղորդմամբ՝ խնդրից կարելի է ազատվել բնական միջոցների օգտագործմամբ, ինչպես նաև սննդակարգը շտկելու միջոցով:

 

Սև պղպեղ: Սև պղպեղն օգնում է թեթևացնել որովայնի ցավը, որն առաջանում է մետեորիզմի հետևանքով: Այն նպաստում է սպիտակուցների և ածխաջրերի վերամշակմանը: Մետեորիզմից խուսափելու համար խորհուրդ է տրվում ճաշատեսակներին մի փոքր սև պղպեղ ավելացնել:

Սամիթի սերմեր: Խորհուրդ է տրվում սամիթի մի քանի սերմ ծամել ուտելուց հետո:

Իմբիր: Իմբիրը յուղ է պարունակում, որն օգնում է դուրս բերել գազերը: Այն կնպաստի նաև սննդի վերամշակմանը: Կարող եք իմբիրով թեյ պատրաստել կամ ավելացնել սմուզիներին: Պարբերական օգտագործումը կարող է օգնել կանխարգելել մեծ քանակով գազերի առաջացումը:

Սննդակարգից բացառեք մթերքը, որն ավելորդ գազերի պատճառ է դառնում: Մեծ քանակով գազերի կուտակման պատճառ կարող են դառնալ կաթնամթերքը, ինչպես նաև գլյուտեն պարունակող մթերքը: Մի քանի շաբաթ սննդակարգից բացառեք այդ մթերքը, այն կրկին օգտագործելուց հետո կարող եք հասկանալ՝ արդյոք դա է խնդրի պատճառը, թե ոչ:

Համեմունքներ օգտագործեք: Նյութափոխանակության հետ կապված խնդիրների դեպքում կարող եք համեմունքներ օգտագործել՝ քրքում, դարչին, քարրի, չաման:

Շատ ջուր խմեք: Ջուրը շատ կարևոր է օրգանիզմի համար: Այն օգնում է ապահովել նյութափոխանակության համակարգի աշխատանքը՝ կանխելով մետեորիզմը:

Պրոբիոտիկներ օգտագործեք: Սննդակարգ ներառեք կեֆիր, յոգուրտ: Սրանք նպաստում են առողջ բակտերիաների աճին, որոնք հարկավոր են նյութափոխանակությունը լավացնելու համար:

Նյութը հրապարակման պատրաստեց 168.am

 

Նյութի աղբյուր՝   168.am  

Կատեգորիա: Բժշկություն | Դիտումներ: 378 | Ավելացրեց: arpinews | - Վարկանիշ -: 0.0/0
x
x